【返學日常】罰與不罰

80後hea爆廢青LU爸，婚後終日沉迷電玩。為了迎接新生命的來臨，開始寫下日記，待孩子長大後回顧。留給一份心意，而不是一份負擔。

Lu爸去到學校想找班主任傾LuLu被罰企一事，剛剛在門口遇上了校長，便到校長室詳談⋯

校長：LuLu被罰企？

Lu爸：係Y，佢話比老師罰所以唔想返學！

校長：我地係唔主張罰小朋友Y⋯

Lu爸：小朋友應該用愛的教育，唔係罰到佢怕！

校長：當然丫…我地學校有信譽保證，師資優良，您可以放心。我會再特別注意下LuLu。

Lu爸都未及回應，校長又再用15分鐘介紹幼稚園的獎項和殊榮⋯⋯Lu爸果團火都被校長連串講解淋熄。

之後LuLu返學真係冇再喊，係咪老師冇再罰？冇人知，但都冇話特別鐘意返學。