【家長教室】N班的抉擇

記得LuLu未夠一歲，啲親戚朋友已經問報名讀書未。Lu爸心諗條起跑線有冇早到禁，但正所謂沒有最早，只有更早！

一問之下，原來好多朋友係BB未出世之前就報定，之後又報Playgroup，有個仲返緊工都請假去報幼稚園，仲報成十幾間添。Lu爸當堂好大壓力，嗱嗱聲去搵下資料。

睇一睇即刻流晒汗，除了報名，仲要面試；而每月學費還要大慨千4-5千蚊...Lu爸直頭呆左。心諗以前細個3歳先返幼稚園，而家歳幾兩歲就要返，仲要禁貴，咪又係學ABC?簡直係商業賺錢的技巧和包裝。

另一邊Lu媽卻認為與其LuLu係屋企成日睇電視，又冇人可以敎佢(因為Lu爸Lu媽也要返工)，等佢返N 班，同同學仔玩下都好。

最後Lu爸忍住錢錢從銀包飛走的傷感和淚，走到九龍塘的幼稚園報名......（之後仲有下文)